မူးယစ်ဆေးစွဲလူနာများအား ပြုစုပညာပေးခြင်းနှင့် ဘ၀ပြန်လည်ထူထောင်ရေးလုပ်ငန်းများအား ခေါင်လန်ဖူး(ဌာနေ)ပြည်သူ့စစ်အဖွဲ့၏အစီအစဉ်ဖြင့်စတင်လျက်ရှိ
မူးယစ်ဆေးဝါးသည် လူသားမျိုးနွယ်တစ်ခုလုံးအား လူညွှန့်တုန်းစေသည့် ကမ္ဘာ့အန္တာရာယ်တစ်ရပ်ဖြစ်သဖြင့် နိုင်ငံတိုင်းသည် အမျိုးသားရေးအဆင့်ထားကာ ကာကွယ်တားဆီးသည့် လုပ်ငန်းဖြစ်ပါသည်။
ယခုအခါ ဒေသအသီးသီးတွင် မူးယစ်ဆေးဝါးရောင်းဝယ်ဖောက်ကားမှု သုံးစွဲမှုတို့သည် နေ့စဉ်တိုးပွားလျက်ရှိရာ သုံးစွဲသူဘ၀ဆုံးရှုံးသည်သာမက ၄င်းတို့၏မိသားစု၊ ၄င်းပါ၀င်သည့် လူမျိုးနှင့် ဘာသာသာသနာတို့၏ အနာဂတ်အတွက် အလွန်စိုးရိမ်ရသောအခြေအနေများ ဖြစ်ပေါ်လျက်ရှိပါသည်။
ခေါင်လန်ဖူး(ဌာနေ)ပြည်သူ့စစ်အဖွဲ့၏ ပြည်သူ့အကျိုးပြုလုပ်ငန်းစဉ်များတွင် မူးယစ်အန္တာရာယ် ကာကွယ်တားဆီးရေးလုပ်ငန်းသည်လည်း လုပ်ငန်းစဉ်တစ်ရပ်အဖြစ် ပါ၀င်လျက်ရှိကာ ယခုနှစ်မှစပြီး မူးယစ်ဆေးစွဲလူနာများအား ပြုစုကုသခြင်းနှင့် ၄င်းတို့၏ဘ၀ ပြန်လည်ထူထောင်ရေးလုပ်ငန်းစဉ်များ ဆောင်ရွက်သွားမည်ဖြစ်ကြောင်း၊ လုပ်ငန်းစဉ်ထိရောက်အောင်မြင်စေရန် ဒေသအတွင်းရှိ ဘာသာရေးအသင်းအဖွဲ့များ၊ ယဉ်ကျေးမှုအဖွဲ့များ...